चुनावी प्रचारमा आफ्नो प्रशस्ती गाउन रविले गरे चार दर्जनभन्दा बढी युट्युबे परिचालन

काठमाडौं । गत मंसिरको निर्वाचनमा राष्ट्रिय स्वतन्त्र पार्टीलाई ग्रामीण क्षेत्रबाट कम भोट आएको थियो । जति भोट बटुलेको थियो, सबै सहरबाट पाएको थियो । त्यही कारण अहिले रास्वपाले गाउँगाउँमा आफ्नो प्रभाव बढाउन मनग्गे खर्च गरिरहेको छ ।

चितवनबाट प्राप्त समाचारअनुसार रास्वपाका कार्यकर्ता र समर्थकले मतदातालाई प्रभावित पार्न कालिका नगरपालिका र इच्छामनकामना गाउँपालिकामा बोराका बोरा चामल ढुवानी गरिरहेका छन् । जहाँ जसलाई जे अभाव छ त्यो पूरा गरिदिनु भन्ने आदेश रविले दिएका छन् । मंसिरको निर्वाचनमा रवि लामिछानेलाई कालिाका र इच्छा मनोकामनाबाट निकै कम मत आएको थियो । सोही कारण अहिले रास्वपाका कार्यकर्ता समर्थकले गाउँलार्ई टार्गेट बनाएको बुझिएको छ ।

यसपटक भरतपुर महानगरपालिकाका १० वटा वडामा निकै कम मत खस्ने र त्यसमा पनि कांग्रेसका उम्मेदवार जितनारायण श्रेष्ठ र एमालेका रामप्रसाद न्यौपानेलाई धेरै जाने भएकाले रवि आत्तिएका छन् । रवि, रमेश र स्वर्णिमलाई चुनाव खर्च विदेशी दातृनिकाय र क्रिस्चियनसँग सम्बन्धित संघसंस्थाले पठाउने गरेको स्रोतले बतायो । मुख्य सहयोगी भने युरोपियन युनियन रहेको बताइन्छ ।

रवि समूहले अहिले काठमाडौंबाट धेरै मानिस लगेर भरतपुरमा परिचालन गरेको बुझिएको छ । जहाँ गए पनि चालीस पचासजना जति युट्युबे बोकेर हिँड्ने गरेका रविले सामाजिक सञ्जालमा प्रभाव जमाउन डेढ सय जति एक्सपर्टलाई परिचालन गरेको विशेष स्रोतले बतायो । रविले ठूला दलका नेतालाई गाली गरेको भिडियो राखेर अहिले दर्जन बढी युट्युबेले डलर झारिरहेका छन् । त्यसैले उनीहरू रविको प्रशस्ती गाउने समाचार मात्र हालिरहेका छन् ।

अहिले रविको विरुद्धमा कसैले सामाजिक सञ्जालमा लेख्यो बोल्यो भने रास्वपाका साइबर सेल एकैपटक झम्टिने गरेका छन् । रविको प्रचार प्रसारमा हिँडेकालाई मदिरा फ्रि गरिएको पाइएको छ । सोमबार बिहान उनकै गाडी चालक घरको छतबाट तल खसेर घाइते भए । उनको अहिलेसम्म होस खुल्न सकेको छैन । उनको कोठामा पनि मदिराको बोतल प्रहरीले फेला पारेको छ । पूर्वगृहमन्त्री भएकाले प्रहरीले सबै तथ्य बाहिर ल्याउन डराइरहेको छ ।

सामाजिक सञ्जालमा यतिबेला रवि विरोधीको उछितो काढ्न थालिएको छ । आफूलाई भोट नदिने र विरोध गर्नेको रविका समर्थकले हुर्मत लिने गरेका छन् । अहिले भरतपुरमा रविकै कारण देशले करोडौं गुमाउनुपरेको भन्दै आक्रोशित हुनेको संख्या बढ्दै गएको छ । त्यही भएर रविले यसपटक १५ हजारभन्दा बढी भोट गुमाउने आकलन गरिएको छ ।